Home » René Haustermans » teksten » Liedteksten » Tadada Boem!

Ta, da, da, Boem tekke tèh tèh tèh

Ta, da, da, Boem tekke tèh tèh tèh

Dat zong Baer van Puffele

Jao, dat zòng hae

Ta, da, da, Boem tekke tèh tèh tèh

Ta, da, da, Boem tekke tèh tèh tèh

Mit zien schizofrenie,

Maakde hae ein hermenie

Gans allein, allein Baer en hae

 

Hae waar alle klarinette

Saxefoons en alle trompette

En hae sjuufde op de sjuuftrombone

Loug dwaesj mit alle fluite

Melodieje, ganse zuite

Ummer mit de sjoonste toon

Hae begoosj en sjtopde geliek

En wèt ger wie dat kent?

Want naeve de meziek,

Waar hae zellef dirigent

 

En tösse alle sjtökker (in)

Dan kreeg ‘r auch nog sjtökker

In de pauze in zien eige vaan

Eine vaan mit gouwe lettesj

Die droug Baer zelf zo  netjes

Veur zich zellef oet en hae d’r achteraan

Auch nog hauw hae fens

Kom mèr èns mit ’t idee!

Hae vormde auch nog ens

’t dames-comité

 

Hae leip op bas te gromme

Òngertössje auch nog tromme

En zo maakde hae zien sjpeel compleet

En mousj hae dan marsjere

Dan leip hae twintig kere

En waar sjtömming in de boet.

Mer doe op zekeren daag

Doe misde hae get klank

’t waar toch Godsgeklaag

Op tuba waar hae krank!!

 

Es geer dènk dit is onmuigelik

Eemes allein is gein hermenie

Kiek dan wie de welt in duige lik

Door al dat egoïsme hie!