Home » René Haustermans » Liedteksten » Gedruimde wirklikheid

Gedruimde wirklikheid

Eine Gedruimde wirklikheid.

Carnaval is meer dan een feestje! Het is een nieuwe start, nadat je verleden van jezelf en je omgeving eens goed hebt bekeken en gerelativeerd.

Daarom een lied, enkele dagen voor carnaval geschreven, waarin ik mijn gedachten liet gaan over de betekenis van vastelaovend, en vooral hoe...

 Klik hier voor de download

 

Gedruimde wirklikheid

Vermuid zeen mien bein, gaar mien versjtandj

Mer door dae sfeer wo in ich ben belandj

Ken neit mee denke, mer krieg ruumte in miene kop

Vanoet laeg gevuil, krabbel ich weier op

Ich val noots om, hang tössje de luuj

Zet ein refrein in, sjteeds weier opnuuj

Dees daag begin ich opnuuj wei’r  te laeve,

Nao de wentjer weier alles ken gaeve

 

’t is vastelaovend, ich vuil ’t aan al

’t kriebelt, ’t jeuk in de pens, euveral

’t zit in de lòch, in mien hart, in de sjtad,in mie bloud

Mit vastelaovend kump alles weir goud.

’t is eine druim, dae ech besjteit

eine gedruimde wirklikheid

Eine druim dae bie ’t ontwaake

De welt baeter zal maake

 

Bie ein naamloos kaffee, Ich zoug ‘m dao sjtoan

Ein nei, ich nuim geine naame

Mer dat me zich huit om dich,

Dat ken ich noe beame.

Dat maske wo ich ’t werm van kreeg

Gans mien hart aan hauw verpandj

Wie bie ‘t demasqee, de meziek auch zjweeg

goufs doe mich dat maske mit nao hoes in de handj

 

En is ’t dan nog drök in de sjtad

Zjweif dae geis nog lostig rondj

Haet me van alles nog neit genog gehad

Verankert in ziene eige hell’ge grondj

Op zuik nao ein sjtèk in dae bontje sjtruim

Nao ein buffet, of oppe wal tossje get buim

Wo ’t sjwart zuut van luuj, vol van verborge feite

Waat jeder dao deit, mèr waat neemes maag weite

 

René Haustermans 11-2-2012

Opname Studio Jan Theelen en zn.

Arrangement E.Theelen en R.Haustermans

Zang en alle instrumenten door René Haustermans, drums door Rens Evers